प्रेस विज्ञप्ति

नेपाल प्रशासनिक प्रशिक्षण प्रतिष्ठानद्वारा नेपाल सरकारका नव–नियुक्त राजपत्राङ्कित तृतीय श्रेणीका अधिकृतहरुका लागि आयोजित ३९औं आधारभूत प्रशासन प्रशिक्षण (Basic Administration Training) को आज मिति २०८१ मङ्सिर २६ गते, बुधबार विधिवत रुपमा शुभारम्भ गरियो । यस आधारभूत प्रशासन प्रशिक्षण प्रशासन समूहका अधिकृतहरुका लागि ६ महिना सम्म सञ्चालनमा रहन्छ भने वाँकी सेवा/समूहको हकमा ४ महिना सम्म सञ्चालनमा रहन्छ ।  यस अन्तर्गत सामान्य प्रशासन समूहका ११७, लेखा समूहका ३२, राजस्व समूहका २४, लेखापरीक्षण सेवाका २४ र परराष्ट्र सेवाका ६ जना सहभागीहरु गरी कुल २०३ जना प्रशिक्षार्थीहरु रहेका छन्  ।

कार्यक्रमका प्रमुख अतिथिको आसनबाट बोल्नुहुदै सङ्घीय मामिला तथा सामान्य प्रशासन मन्त्रालयका माननीय मन्त्री श्री राजकुमार गुप्ताले देशले इमान्दार र लगनशील कर्मचारी खोजेकोले त्यो अठोट र आत्मबिश्वासको विकासगर्न यस प्रशिक्षण सफल रहोस भन्ने शुभकामाना व्यक्त गर्नुभएको थियो । विशेष अतिथिको आसनबाट नेपाल सरकारका श्रीमान् मुख्य सचिव एकनारायण अर्याल र अतिथिको आसनबाट सङ्घीय मामिला तथा सामान्य प्रशासन मन्त्रालयका श्रीमान् सचिव भरतमणी सुवेदीले प्रशिक्षार्थीहरुलाई प्रशिक्षण सफलताको शुभकामना व्यक्त गर्नुभएको थियो ।

शुभारम्भ कार्यक्रमको समापन मन्तव्य दिने क्रममा कार्यक्रमका सभाध्यक्ष प्रतिष्ठानका कार्यकारी निर्देशक डा. राजन खनालले आधारभूत प्रशासन प्रशिक्षण कार्यक्रमबाट सम्पूर्ण प्रशिक्षार्थीहरुलाई धेरै भन्दा धेरै सिकाईका लागि आग्रह गर्नुभयो । स्वागत मन्तव्य राख्ने क्रममा प्रतिष्ठानको सार्वजनिक सेवा प्रशिक्षण विभागका प्रमुख एवं बरिष्ठ अध्ययन निर्देशक श्री त्रिलोचन पोखरेलले प्रशिक्षण कार्यक्रमको उद्देश्य तथा बिषयवस्तुहरुको बारेमा प्रकास पार्नुभएको थियो ।

For more details, Click Here

(शिवहरी अधिकारी)

अध्ययन उप-निर्देशक

एवं

सूचना अधिकारी